Настанот CREATIVE COLOR INTERNATIONAL

CREATIVE COLOR INTERNATIONAL е најголемиот технички настан во Латинска Америка, наменет за професионалци кои работат во козметички и фризерски салони. Нашата цел е да помогнеме во развојот на бразилскиот пазар за убавина. Затоа, заради нашите клиенти организираме настани и работилници со најдобрите домашни и интернационални фирзери. Во овие работилници фризерите ги прикажуваат најновите трендови во нивните држави и нови ексклузивни техники.
Во 2008-та година, заедно во соработка со BEAUTY FAIR – Латино-Американскиот саем за козметика и убавина, го промовиравме настанот CREATIVE COLOR INTERNATIONAL. Успеавме да споиме професионална содржина за еден од најзначајните саеми за козметика во Бразил, кој саем го посетија 90 илјади луѓе.
Нашиот угледен тим на ексклузивни фризери од Европа, Северна Америка и Латинска Америка ги освои срцата на публиката. CREATIVE COLOR INTERNATIONAL е настан во кој учествуваат домашни и интернационални фризери кои преку тридневна активност професионално го усовршуваат и надградуваат знаењето на нашите клиенти.    
Денес, Бразил се наоѓа на трето место на пазарот на козметика во светот со вкупен број од 500 илјади козметички и фризерски салони. Поради ова, CREATIVE COLOR INTERNATIONAL е одлична прилика за компаниите да ги покажат своите производи, за професионалците да ја прикажат својата работа и да се развие пазарната козметичка мрежа во Бразил.